“Ek is baie dankbaar teenoor al die wonderlike ondersteuning wat ons gedurende 2013 ontvang het,” sê ‘n opgewonde Jacoba Europa, Bestuurder van Silwerjare Dienssentrum en die Oak Grove Nasorgsentrum in Blompark. Sy bedank graag alle individue en organisasies wat betrokke was by donasies, geskenke, besoeke, drukkies aan die bejaardes en veel meer.
Enkele uitsonderings (alfabeties) vir ‘n spesiale dankie, is: Anonieme Kerke (2) in Blompark, Gansbaai Courant, Gansbaai Maatskaplike Dienste, Gansbaai Marine, Gansbaai Munisipale Administrasie, Gansbaai OK Foods, Gansbaai Primêr, Gansbaai Superspar, Gansbaai Toerisme en Mej Fees van die Ganse (Elzaan van Lill), Herberg-aan-See Tehuis vir Bejaardes, Jack en Anita Doyle van England, Lekkerbek, Liefie Oosthuizen, Shoprite Checkers, Steve en Margi Muller.
“Dan ook ‘n spesiale dankie aan Magrieta Adams en Moira Opperman wat gereeld hulle voertuie tot my beskikking stel, asook aan my personeellede vir hulle harde werk en geduld met my,” sê Jacoba. “Ek vertrou almal het ‘n Geseënde Kersgety ervaar en wens alle ondersteuners en gemeenskapslede ‘n Voorspoedige Nuwe Jaar toe!”
Hardus Botha
