Mense en nie engele nie
David Benner praat in sy boek Soulful spirituality van ongesonde en gesonde spiritualiteit. Jou spiritualiteit is hoe jy jou geloof uitleef. Die manier waarop jy na die wêreld kyk, God verstaan en jouself verstaan. Vir hom is toksiese spiritualiteit enige spiritualiteit wat die liggaam nie ernstig opneem nie: “To be human is to be embodied, so any spirituality that fails to take the body seriously necessarily diminishes our humanity.”
Kerstyd is ʼn goeie tyd om dit opnuut te hoor. Veral die laaste gedeelte. Ons word tog geroep om meer mens te word. Benner beskryf dit soos volg: “The spiritual journey is not intended to make us into angels, cherubim, seraphim, gods or some other form of spiritual beings. It is intended to help us become all that we, as humans, can be.”
Kersfees vra ons of ons oorvloed lewe ervaar, of ons nog verwonderd staan voor mense en die skepping, of ons nog opgewonde raak oor onsself, en of ons ons vleeslikheid koester omdat Jesus vlees was. Mense en nie engele nie.
