Die goeie vloei oor
Daar is baie spreekwoorde wat daarop neerkom dat jy nie vir ander kan gee as jy self leeg is nie. Dat jy na jouself moet kyk voordat jy ander optimaal kan help. Tog verstaan Paulus dat God met leë en gebreekte kruike ook kan werk. Dat ons Skeppergod wonderbaarlik uit jou leegheid en onvermoeë ander kan genees. Dat jy sterk is juis as jy swak is. Dat God kan klaarmaak wat jy miskien net begin het. Dat God uit niks kan skep. Dat God jou verlange kan raaksien.
“Remember that [God] will in [God’s] own way and …own time complete what we so poorly attempt. Often we do not achieve for others the good we intend; but we achieve something, something that goes on from our effort. Good is an overflow. Where we generously and sincerely intend it, we are engaged in a work of creation.” (Iris Murdoch)
