Gansbaai Primer maak geskiedenis met hul eerste Pilchies Visvangspan wat deelgeneem het aan die Boland Kushengel Assosiasie se ontwikkelingsprogram te Struisbaai. Tydens die laaste byeenkoms op Vrydag 17 April behaal die span ‘n eerste plek uit vyf (5) skole. Die span word onder leiding van mnr N Pedro, mnr A Abrahams en mnr A Loff afgerig en ondersteun.
Baie dankie aan mnr Frans Claassen en Boland Kushengel Assosiasie vir hulle goeie werk rakende ontwikkeling op die gebied van kushengel onder leerders. Mnr Pedro doen ook ‘n beroep op gemeenskapslede vir enige hengelgereedskap skenkings aan die Pilchies Hengelspan.
