Die onlangse veldbrande naby BARC (Birkenhead Animal Rescue Centre) se hokke, het daartoe gelei dat al die bederfbare voedselvoorraad weggegooi moes word. Die rook- en roet was so erg dat al die kosvoorraad besmet is. OK Foods Gansbaai en Montego Feeds het saamgespan en tot BARC se redding gekom.
‘n Groot voorraad honde- en kattekos is verlede Woensdag, 25 Januarie 2017 aan die dierehulp organisasie oorhandig. Dewaldt de Roubaix en Judene Joubert van OK Foods Gansbaai oorhandig die broodnodige skenking aan Nols Jonas (middel), BARC se Veldwagter.
