Die Suid-Afrikaanse Astronomiese Observatorium (SAAO) in Kaapstad bied reeds die afgelope paar jaar ‘n skole-kompetisie aan, waar leerders van verskillende skole die geleentheid gegun word om hul kennis oor die Heelal te toets. Leerders ontvang ‘n handleiding “Your Guide to the Universe” as brondokument, maar dit is veral die entoesiasme waarmee hul deelneem en die ondersteuning van hul onderwyser wat die deurslaggewende faktor is. Laerskool Gansbaai is baie trots op hul Astroquiz Gansies, wat in Augustus deelgeneem het aan Rondte 3 by die Observatorium in Observatory, Kaapstad. Alhoewel hul nie tot die finale rondte gevorder het nie, is hul beloon met 'n lekker kontantprys, waarmee hulle iets by ‘n restaurant geniet het saam met juf Jolette Bezuidenhout.
