Walvisbesigtiging vanuit die lug is ‘n onvergeetlike belewenis. Hiervan kan dié bevoorregte groepie getuig nadat hulle die naweek saam met Overberg Aviation gevlieg het. Links staan Phillip en Heidi Rozekrantz, terwyl Christiaan en Melody du Plessis regs saam met hulle kinders staan. By Kleinbaai-hawe is dit ook soggens vroeg al ‘n bedrywigheid soos wat toeriste vanuit al die wêrelddele aankom om op die gewilde boottoere te gaan. Stappers en rotsklimmers geniet veral die staproetes en grotte by De Kelders. Die Danger Point ligtoring is een van die gewilde toeriste-aantreklikhede op die oomblik. Lorraine de Klerk, ‘n stapgids vertel dat sy op 1 dag al 15 walvisse in Walkerbay gesien het. “Om ‘n walviskoei in die oog te kyk wat besig is om haar kleinding te soog, is onbeskryflik.”
