Lydenstyd. Tyd van gebrokenheid en belydenis, maar veral ook hoop. Die hoop wat spruit as ons rus in skeppingsmag van God. Jan Richardson* het ‘n Aswoensdag meditasie geskryf met onder andere die woorde wat mens nie los nie: “Did you not know what the Holy One can do with dust?” Met stof, met gebrokenheid, met mense, met situasies. Dit is die seisoen waar: “we freely say we are scorched” sodat ons kan verlang na wat kan wees. God het tog die hemel en aarde geskep met ‘n Woord, maar ook gevorm intiem uit die klei van die aarde, die Vader het sy Seun uit die dood opgewek, die Heilige Gees maak harde harte sag. Wat kan die Heilige nie alles verrig met stof nie?
