Alan Jones herinner dat God nie ‘n stokperdjie is nie, want God word gevind in plekke te diep vir woorde. Binne in die lewe. God haal ons nie uit nie, Hy werk met ons te midde. Ons wil godsdiens gelykstel aan ons beter momente, goeie oomblikke. Dan kan ons nie groei nie, want ons breek nie oop voor God nie. Jones beskryf die evangelie as skokkend. Hy bedoel dat ons soms moet wakkerskrik en besef dat in hierdie geloof is sekere dinge baie belangrik: “It claims that flesh matters. It insists that history matters. Above all it claims that, in the end, nothing else but love matters.” Daarom word ons uitgenooi om die hele lewe te sien as wat dit is, naamlik ‘n gawe van God.
